مجرد قلم
07-20-2008, 02:36 AM
سالفة زيد وغريسة واخوها عامر) من قصص بني هلال
يقول الراوي يا سادة يا كرام
,,
,,
(((يقولون ان هالسالفة احصلت في قبيلة بني هلال اللي كانت لها السلطة في نجد كلها مبطي يعني قبل
السبع مية الى الثمان مية سنةوفي جنوبي نجد من صوب جرف عليا.
وغريسة هذي بنت من بني هلال هاوت لها واحد اسمه زيد (يوم الهوى يااخواني على وضح النقا
ولا فيه من علوم الردى شي) ..
يقولون وانه بغى يتزوجها وعيا اخوها عامر واحجروها بني عم لها عن زيد .
وجاه البلا والجلا من هواها .وما خلى شي ما جربه معهم من علوم الطيب على شان يتركونها له وعيوا .
والبنت هي بعد مهاوية زيد .ويقولون .يوم زيد ضاقت به الدنيا نوى يترك ديرتهم ويشد عنهم بعيد .
ويوم الغريسة درت ان زيد بيشد شديد ما عقبه رجعة .ضاقت على غريسة الدنيا .وقالت لرفيقة لها .
.تشوّفي لزيد مع اهل الخيل
فإلى شفتيه شافك فقولي
يا غرسة في الوادي
............. عليك ليلٍ بادي
وهذا كان تلغيز لزيد (إن حبيته الغريسة تحتريه في الوادي الى جاء الليل على شان تسلم عليه قبل يشد عنهم )
ويقولون ان رفيقة غريسة يوم قالت ذالكلمة كان به شايب يسمونه
(الأوقيشر) يقولون انه فطين وخبيث في نفس الوقت ..يعني يحب يشب الفتنة .
ويوم سمع كلام رفيقة الغريسة فهم قصدها .
وهو يروح يعدي لين اقبل على اخو الغريسة اللي اسمه عامر ..ويوم قرب منه قال:
الغرس ذالليلة صرامه
,,,,,,,,,,,,,وعامر يلوسب في العمامة
(يعني ان الغرس بيقطع ثمره في هالليلة والغرس هو غريسة .
وعامر يلوسب في العمامة يعني انه غافل ما يدري وش صار في غرسه)
ويوم سمع عامر كلام الاوقيشر ارتاع ودرى ان الاقيشر يقصد بالغرس شي تحت حكمه .
.وقال للاوقيشر بيّن وش مغزاك؟ ..وقال الاوقيشر :برّق في اللي وراك .
ومشى الاوقيشر ..وعرف عامر ان القصد اما مرته والا اخته ..
وجلس طول الليل متغطي بالعمامة وهو ما نام .
لين سمع صوت شي وراء رواق البيت وقام يتتبعه (والى هي الغريسة رايحة تبي تسلم على زيد )
ويقولون :يوم واجهت الغريسة زيد كل منهم بكى .
.الى مير عامر مدركهم بسيفه وهو يذبح زيد وهو ياخذ اخته ويربطها .
.وياخذها بعيد عن العرب في هضبة فيها مثل الغار وهو يقطع رجلها ويخليها مربطة في الغاار
ويقولون انه صار من القهر كل يوم يركب فرسه ويجيها في الغار
ويسقيها ماء على شان ما تموت ويقطع عضو من اعضاء جسمها ..
وجلست على ذالحال ايام ويوم جاء عقب عاشر يوم الى هي ميتة وكاتبة بدمها على صفاة الغار القصيدة هذي:
قالت غريسة زينـة القـول والنبـا///.فجانـي زمانـي والمقـدّر دهانيـه
تهاويت مع زيـد وطابـت ليالنـا///.ثمان سنيـن فـي طرابـه وامانيـه
هاواني وهاويته على الونس والهوى///.وقطفنا ثمر ما لاق والنفـس فانيـة
سقاني شراب من ثمانه وانـا بعـد.///سقيته شراب صافـي مـن ثمانيـة
يا ليت زيد طاعني يوم اقـول لـه///.اسر وكل الناس فـي النـوم هانيـة
ولا طاعني والامر ما فيـه حيلـة///.غشا زيد حلو النـوم وانـا غشانيـه
ولا انتبهـت ألا ان زيـد ضحيـة///.نعيتـه ولـو هـو حـيٍّ نعانـيـه
ولما اقطعوا رجلي تراكيت بالعصا///.على جال قبره قلت ما جـاه جانيـه
وبعد اقطعوا الاخرى تدربت جثّّتـي///.على قبر زيد وقلـت هـذا مكانيـه
الى مت ما سايلت عن وابل الحيـا///.ولا من حفر قبري ولا مـن نعانيـه
عفا الله عن زيد عشيـري ذنوبـه///.ولو هو عصاني يوم اقول إسر ثانية
محا الله عن زيد عشيـري ذنوبـه///.ولو كان في حوض المنيـة رمانيـه
يـا حافـر للقبـر وسّـع جوانبـه///.على جانبٍ مـن زيـد لا تبعدانيـه
المقصد اني مـا اقولـه بخاطـري///.ابي الى جاء الوبـل زيـد سقانيـه
أوصّيك يا نقر الصفـا لا تغرّنـي.///ان جـو عريـبٍ وارديـن شنانيـة
يا مدوّر زيد تـرى زيـد عندنـا///.ذبيح العمر هذا سبـب كـل جانيـة
اخوي عامر يعطي القـوم عمـره.///شجاع ويامـا مـن نهـار حمانيـه
مثل عامر توسم به الإبـل والغنـم///.وزيد كفى عـن ربعـي الا ثمانيـة
ابوي وأخوالي وعمـي وعزوتـي.///وذبح الشفايا فـي عشيـري هنانيـه
يقولون يوم عامر قرى ابياتها اللي كاتبتها بدمها قبل تموتوقرى بيتينها اللي تمدحه فيها انه غشي من الندم ومن الحزن
وتندم على انه ما زوجها لزيد على سنة الله ورسوله
ويقولون انه حارب الطعام والمنام وقم اسبوعين لين مات حزن على اخته)))
انتهى كلام الراوي
يقول الراوي يا سادة يا كرام
,,
,,
(((يقولون ان هالسالفة احصلت في قبيلة بني هلال اللي كانت لها السلطة في نجد كلها مبطي يعني قبل
السبع مية الى الثمان مية سنةوفي جنوبي نجد من صوب جرف عليا.
وغريسة هذي بنت من بني هلال هاوت لها واحد اسمه زيد (يوم الهوى يااخواني على وضح النقا
ولا فيه من علوم الردى شي) ..
يقولون وانه بغى يتزوجها وعيا اخوها عامر واحجروها بني عم لها عن زيد .
وجاه البلا والجلا من هواها .وما خلى شي ما جربه معهم من علوم الطيب على شان يتركونها له وعيوا .
والبنت هي بعد مهاوية زيد .ويقولون .يوم زيد ضاقت به الدنيا نوى يترك ديرتهم ويشد عنهم بعيد .
ويوم الغريسة درت ان زيد بيشد شديد ما عقبه رجعة .ضاقت على غريسة الدنيا .وقالت لرفيقة لها .
.تشوّفي لزيد مع اهل الخيل
فإلى شفتيه شافك فقولي
يا غرسة في الوادي
............. عليك ليلٍ بادي
وهذا كان تلغيز لزيد (إن حبيته الغريسة تحتريه في الوادي الى جاء الليل على شان تسلم عليه قبل يشد عنهم )
ويقولون ان رفيقة غريسة يوم قالت ذالكلمة كان به شايب يسمونه
(الأوقيشر) يقولون انه فطين وخبيث في نفس الوقت ..يعني يحب يشب الفتنة .
ويوم سمع كلام رفيقة الغريسة فهم قصدها .
وهو يروح يعدي لين اقبل على اخو الغريسة اللي اسمه عامر ..ويوم قرب منه قال:
الغرس ذالليلة صرامه
,,,,,,,,,,,,,وعامر يلوسب في العمامة
(يعني ان الغرس بيقطع ثمره في هالليلة والغرس هو غريسة .
وعامر يلوسب في العمامة يعني انه غافل ما يدري وش صار في غرسه)
ويوم سمع عامر كلام الاوقيشر ارتاع ودرى ان الاقيشر يقصد بالغرس شي تحت حكمه .
.وقال للاوقيشر بيّن وش مغزاك؟ ..وقال الاوقيشر :برّق في اللي وراك .
ومشى الاوقيشر ..وعرف عامر ان القصد اما مرته والا اخته ..
وجلس طول الليل متغطي بالعمامة وهو ما نام .
لين سمع صوت شي وراء رواق البيت وقام يتتبعه (والى هي الغريسة رايحة تبي تسلم على زيد )
ويقولون :يوم واجهت الغريسة زيد كل منهم بكى .
.الى مير عامر مدركهم بسيفه وهو يذبح زيد وهو ياخذ اخته ويربطها .
.وياخذها بعيد عن العرب في هضبة فيها مثل الغار وهو يقطع رجلها ويخليها مربطة في الغاار
ويقولون انه صار من القهر كل يوم يركب فرسه ويجيها في الغار
ويسقيها ماء على شان ما تموت ويقطع عضو من اعضاء جسمها ..
وجلست على ذالحال ايام ويوم جاء عقب عاشر يوم الى هي ميتة وكاتبة بدمها على صفاة الغار القصيدة هذي:
قالت غريسة زينـة القـول والنبـا///.فجانـي زمانـي والمقـدّر دهانيـه
تهاويت مع زيـد وطابـت ليالنـا///.ثمان سنيـن فـي طرابـه وامانيـه
هاواني وهاويته على الونس والهوى///.وقطفنا ثمر ما لاق والنفـس فانيـة
سقاني شراب من ثمانه وانـا بعـد.///سقيته شراب صافـي مـن ثمانيـة
يا ليت زيد طاعني يوم اقـول لـه///.اسر وكل الناس فـي النـوم هانيـة
ولا طاعني والامر ما فيـه حيلـة///.غشا زيد حلو النـوم وانـا غشانيـه
ولا انتبهـت ألا ان زيـد ضحيـة///.نعيتـه ولـو هـو حـيٍّ نعانـيـه
ولما اقطعوا رجلي تراكيت بالعصا///.على جال قبره قلت ما جـاه جانيـه
وبعد اقطعوا الاخرى تدربت جثّّتـي///.على قبر زيد وقلـت هـذا مكانيـه
الى مت ما سايلت عن وابل الحيـا///.ولا من حفر قبري ولا مـن نعانيـه
عفا الله عن زيد عشيـري ذنوبـه///.ولو هو عصاني يوم اقول إسر ثانية
محا الله عن زيد عشيـري ذنوبـه///.ولو كان في حوض المنيـة رمانيـه
يـا حافـر للقبـر وسّـع جوانبـه///.على جانبٍ مـن زيـد لا تبعدانيـه
المقصد اني مـا اقولـه بخاطـري///.ابي الى جاء الوبـل زيـد سقانيـه
أوصّيك يا نقر الصفـا لا تغرّنـي.///ان جـو عريـبٍ وارديـن شنانيـة
يا مدوّر زيد تـرى زيـد عندنـا///.ذبيح العمر هذا سبـب كـل جانيـة
اخوي عامر يعطي القـوم عمـره.///شجاع ويامـا مـن نهـار حمانيـه
مثل عامر توسم به الإبـل والغنـم///.وزيد كفى عـن ربعـي الا ثمانيـة
ابوي وأخوالي وعمـي وعزوتـي.///وذبح الشفايا فـي عشيـري هنانيـه
يقولون يوم عامر قرى ابياتها اللي كاتبتها بدمها قبل تموتوقرى بيتينها اللي تمدحه فيها انه غشي من الندم ومن الحزن
وتندم على انه ما زوجها لزيد على سنة الله ورسوله
ويقولون انه حارب الطعام والمنام وقم اسبوعين لين مات حزن على اخته)))
انتهى كلام الراوي