يازين يوم اني انا وانتي صغـار .. توما لبست شماغ وانتي عبايه

[فتى السهلي]

يازين يوم اني انا وانتي صغار
توما لبست شماغ وانتي عبايه

بالطول ماناصل ولا خمسة اشبار
دايم نقيس اطوالنا بالمرايه

مابيننا شين نخبيه واسرار
ماغير لعب اطفال كل الحكايه

ماهمنا موجز ولا نشرة اخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

بالمدرسه نزعل على شان الاصفار
انتي سبب لعبك وانا من غبايه

ياما تهاوشنا على كيس فيشار
انحاش به وافرح بطردك ورايه

وان قلتي يـآرآشد ياويلك من النار
اخاف واستسلم وابين خطايه

والى ضربتيني تقل بيننا ثار
وان قلت كافي قلتي ماهو كفايه

والى خلصتي ضرب بيمين ويسار
اخذتي الفيشار واللي معايه

والى زعلت وقلت ابا اروح للدار
صحتي وقلتي اسفه يا غلايه

واصدقك وافرح بعد ذيك الاعذار
واجيك لا حاقد والا احمل وشايه

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه

واليوم ابا اكتبها سواليف واشعار
وافكر انتجها بفلم وروايه
تقبلوـا تحياتــي
فتىالسهلي

[دلوعة أهلها]

ياما تهاوشنا على كيس فيشار
انحاش به وافرح بطردك ورايه

اخويـ فتى

وأنا اقراء كلماتكـ ادمعتـ عينيـ بدونـ شعور

كلماتكـ فيـ قمة الروعهـ

دمتـ لمنـ يحبوكـ ياربـ

لاتحرمنا منـ جديدكـ

[عنزيه ما تهاب]

وان جا فلم كرتون للقطو والفار
نجلس نتابع قصته للنهايه

بالمدرسه نزعل على شان الاصفار
انتي سبب لعبك وانا من غبايه
//
//
أخوي من جد رائعه وأبكتني وذكرتني بشياء كثيره

آآآآآه يوم أنا كنا صغار ليت الزمن يرجع لو يوم وأحد

أهنيك على القصيده الي مدري كيف أعبر لك عن مدى أعجابي بهااااااا

>>>>>>>>>>>>البنت لطشتها الله لايعوقهاا بشر

[دلعونه]

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه



تسسسسسسسسسلم إيدك ..

الله يعــطيك الع ــآفيــــه ..


مرره روووعه ...