فمــــان الله ,,,

[عذب الاحساس]

http://i9.photobucket.com/albums/a93/SOLISNNYC/AMOROSA/JANET/elba/love3.jpg

http://www.dwaihi.com/poem/36dhidan30.ram



فمان الله يا أول ما سكن بين الضلوع العوج
عسى دربك سفير ويا عسى الله ما يخليني
توكل لا توادع رح عسى درب الجفا المسهوج
يصادف درب فرقى عقبها ما تلمحك عيني
سمحت من الهوى ومن القصيد ومن زراق الموج
ورميت أغلى مجاديف الغرام وجيت بيديني
أبغرق في عذابك لارحلت ويصبح المنتوج
قصيد في حياتي سلوتي ... وان مت يرثيني
وإذا هبن بنات الريح للذكرى بدون سروج
أبسرج مهرة النسيان وارحل من عناويني
وبنسى لين أسج وبرسل الونات فوج وفوج
وأبنسى دمع عيني ينتثر وأنساك من حيني
صبور ؟ اي والله اني ما ثنيت العزم قبل أدوج
بريضان الجفا وأضمى لوصلك لين تسقيني
شجاع ؟ إي والله اني ما عرفت الذل قبل أسوج
قدم رجلي على درب ٍ لبيت أهلك يوديني
كريم ؟ اي والله اني ما عرفت الشح قبل تروج
دموعي في عيوني ثم أشح بحسرتي فيني
أحبك ؟ حسبي الله ليت مالك في سماي بروج
ولا لك في البسيطه كود شي بينك وبيني
دخيلك لا تلفت رح بفالك وأترك المرجوج
تغانم مابقى لك وإلا انا ماعاد يمديني
فمان الله سق ركبك على درب السنين العوج
ولكن طالبك لا اقفيت عني لا تخليني




.
.
.
ضيدان

[عاشقة القمر]

فمان الله يا أول ما سكن بين الضلوع العوج
عسى دربك سفير ويا عسى الله ما يخليني


توكل لا توادع رح عسى درب الجفا المسهوج
يصادف درب فرقى عقبها ما تلمحك عيني


عذب الاحساس سلمت يمناكـ ع النقل


تقبل مروري

[وايليه وكلي شاعريه]

..اهنيك على روعه اختيارك ..

عافاك ربي

لاترمــنا جديدك

لاهنت

[][^خــالــد^][]

عذب الاحساس

اهنيك على ذوقك الرفيع العالي

بالفعل قصيده من الطراز الثقيل

صح لسان ضيدان ولاهنت على نقلك

دائما تنقل لنا اروع القصايد النبطيه الجميله

فلتدم لمفاهيم الخجل كمتذوق للشعر السامي النبيل

وسجلني من ضمن معجبينك

ودمت بود

أخوك : خــالــد

[--سبيعي وكفى--]

مشكوره على القصيده

تسلمين والله

ولاتحرمينا من جديدك

[عذب الاحساس]

عاشقة القمر

يسلم غاليك وشاكر مرورك

.
.

وايليه

اهني صفحتي على مرورك وعلى هالشاعريه

.
.

يا بعدهم يا خالد

لك وحشه وربي ويسعدني هالكلام وربي انه تاج على راسي

.
.

اخوي سبيعي مدري وش اقول لك صراحه

بس انصحك تقرى خاطره توني كاتبها اسمها وش السالفة !!





ولا هنتو اخواني خواتي على المرور اللي يعني لي كثير

مودتي واحترامي

[نووودي]

تسلم يمينك يالمبدع ..

[عذب الاحساس]

اهلين نووودي

سعيد بمرورك

مووودتي وامتناني