ما أقدر أجلس في مكان "إنسان كنتي تعشقينه" !!!

[نووودي]

للابداع والتميز نصيب لدى الشاعر الحساس فهد المساعد ..icon30 icon30
يا رفيف العمر.. وفجر العيد.. واحزان المواني !
يا أكثر أهل الأرض طيبة قلب.. وأسرارٍ دفينه !
المكان اللي هنا مليان ضحكات وأغاني !
والكلام اللي بغيت أقول.. يحتاج لـ سكينه !
شوفي الركن البعيد هناك.. كنه صدر حاني !
هذا هو اللي يليق بـ شاعر.. وبنتٍ حزينه !
إنسي الشارع.. وعتمات الزوايا.. والمباني !
هاتي يدينك نلف الغيم ونشكّل مدينه !
عندي الليله كلام وصمت.. وأخاف الثواني !
تظلمه.. أو تظلم اللي فيه كم ضاعت سنينه !
بس لازم تسمعين اللي أبي.. والا تراني !
لو بـ اعيده لك نسيت ورحت أقول اللي تبينه !
شي واحد قبل ما أبدا.. ما أبي أي شي ثاني !
يخطر فبالك.. وأنا أكشف لك شعورٍ تجهلينه !
إن أنا وبكل ما تحمله
« أحبك » من معاني !
كنت.. وراح أبقى أحبك لين مدري وش لوينه !
بس والله ما قدرت أنسى ولا همّي نساني !
"لا ذكرت إنسان فيه أسرار ما بينك وبينه"
كل ما تطري علي.. فكرة هواك الأولاني !
أشعر إني أنطعن مليون مره من يدينه !
أشعر ان عيونك الله ما خلقها إلا عشاني !
كيف كانت تبتسم له؟! قولي انك تخدعينه !
صورة إنه "كان يمسح دمعك"
تزلزل كياني !
وكيف كان "يلم شعرك" ويتبعثر في يمينه !
حتى أسمك يوم رحت ادلعه .. حظي رماني !
بنفس الأسم اللي يقول.. بذمتك ما هي غبينه!؟
وكني اللي.. كل ما أناديك بالأسم الفلاني !
أطلب النسيان.. يترك منه شي تذكرينه !
لا تظنيني أناني.. لا أنا ما نيب أناني !
لو سلمت من الغرق.. بأموت في ظهر السفينه !
يا إني أكمّل وأعاني.. أو أكمل ثم أعاني !
كل ما أسمع طاري أسمه.. أو تجي عيني فـ عينه !
أيّنا كان الضحيه ؟! وأيّنا اللي كان جاني ؟!
مدري ..!
ولكن قراري لازم تقبلينه:
مثل ما أكره فكرة أنه
"واحد ياخذ مكاني" !!
ما أقدر أجلس في مكان "إنسان كنتي تعشقينه" !!!
للشاعر ،، [ فهد المساعد ] ..icon30

[ღمـفـاهيـم الـخـجـلღ]

مثل ما أكره فكرة أنه
"واحد ياخذ مكاني" !!
ما أقدر أجلس في مكان "إنسان كنتي تعشقينه" !!!


نودي

تحيتي لقـلـمـك وذوٍقــك

وحسن انتقائك

الشاعر فهــد المساعــد غنـي عـن التعرٍيـف وكلمـاتـه بــلآ شــك تمتاز بالصور للقارئ يعيشها أو يحسهــا ويبحر فيها بعمق


تحياتي لك


ملـك المفــاهيم

[نووودي]

ملك المفاهيم ..
تحياتي واشواقي لك ولمرورك العذب ..

[وايليه وكلي شاعريه]

مبدع داااائما
فهد المساعد

نوودي

تسلم يمسنك
على هالنقله الاكثر من رائعه

عافاك ربي

،،

[•–([ سَمَـَوٍَ إَنَسَـآنَـ ])–•]

صح لسـان فهـد


فهـد شاعر مبدع وذو احساس رائـع

اشكرك نوودي على النقـل المميز

تحياتي

[عنزيه ما تهاب]

نوووووودي



"وذوو احســـــــــاس راااائع
تسلم اناملك اختي تعبت
وعافاك ربي"


صح لسان شاعرنااا "فهد المساعد"..



الله يعطيك ألف عافيه

[نووودي]

وايليه وكلي شاعريه
ولــــــــــد العز
عنزيه ماتهاب
مروركم وسام فخر في صفحاتي ..

[عذب الاحساس]

ولكن قراري لازم تقبلينه:
مثل ما أكره فكرة أنه
"واحد ياخذ مكاني" !!
ما أقدر أجلس في مكان "إنسان كنتي تعشقينه" !!!

قصيده قويه و معبره
سلمت اناملك
ويسلم هالذوق
ودمتي بود

[نووودي]

يسلم لي مرورك ياخوي عذب الاحساس ..

[თ ™لـ،،،ــاع ™თ]

ودي أعلق على القصــيدة وجمــاله ..

بس فهـــد ما خلا شيء حلـــو إلا وجابه ..

وزاد جمـــال القصيده ... نقل نووودي ..

ذوقكــ .. رائـــع . وأحســـــــاسكــ دائما مرررررررهفــ ..

لكــ تقدير وأحترام .. وإعجابــ ..

لــ ,,, ـــآآع

[نووودي]

كم هو جميل مرورك فاانت لاتعلم ان مرورك يشرح الصدر ويزيد من روح الامل في داخلي ..
بصراحه احسك بريء وبسيط وحساس لك فائق الاحترام والتقدير ..