تبين الكل يقول وآآو هالبنت اتيكيتـ،، شرفيني هنا،،

[آنـفَـآسٍـ الْـورْدٍ]

مرررحباااا

شحالكم حبيباتي ان شالله تمااام

انا لقيت هالموضوع ومررره شدني وانا اضفت شوي عليه

احنا بنات يزيناّ الخلق الرفيع

اللي تجي في مكانها الصحيح ووقتها المناسب و اذا شفنا بنت كلاس في شخصيتها وتصرفاتها نقول:

وااو هالبنت اتيكيت من جد

وترتفع في عيوننا..وننظر لها بعين الاعجاب..

وطبعا نعرف ان الاتيكيت علم قائم بحد ذاته ويعطى فيه دروس في كثير من دول العالم ..

واحنا نولد مانعرف شيء بس نتعلم من المشاهده والقراءه والانطباع..والاحتكاك بالغير..واكتساب الخبرات ..
ودائما يوجد هناك ما ينقصنا لنتعلمه...

لذا حبيت ادون بعض ملاحظاتي وارشادات نابعه من قلب محب..لتزويدنا نحن الكائنات اللطيفه بما يزيد من حسن تصرفنا وردات فعلنا..ومايجب ان نكون عليه كسيدات مجتمع ..وليدز عن حق وحقيق

تعالو نسلط الضوء على بعض التصرفات والارشادات..
=============================

العلك..

====
اسوأ منظر ممكن تشوف عليه البنت وهي تعلك العلكه..(جغ ..جغ ..جغ) يعني الملامح تتعفج..والانوثه تروح في خبر كان...

والتفال يطشر مع كل كلمه..فيا عزيزتي..

اتجنبي العلكه في اي مكان عام تتواجدين فيه...وطبعا ماهي ممنوعه..بس في البيت..مع صديقتي الكلوز...

بس مع الناس وفي المناسبات الاجتماعيه..بليززز لا تعلكي...

فتراه ينافي اتيكيت المرأه الراقيه...

وخاصه في الزواجات..تجيك البنت ضاربة بعمرها الشيطان الرجيم من الكشخه والمكياج ورزة العمر...

بس للاسف قاعدة تعلك بضراوه ...تقل بينها وبين العلك ثار قديم..واللي يزيد الطين بله..لاجت ترقص..مدري كيف توازن

بين عملية العلك وبين هز ياوز

يعني منتهى البشاعه...مهما كنتي متشيكه..تروح الشخصيه في خبر كان والسبه..العلك ابو نص ريال.

.يعني كشخه مكلفه كم الف ..يطيرهاّ علك ابو نص..

-------------------------------------------------

الصوت العالي.وسرعة الكلام:

=================
الصوت العالي اسوأ صفه تتصف بها بنت...لان الصوت العالي من سمات الرجال..اما البنت لازم صوتها يكون

منخفض..وكلامها مرتب...وحكيها مترابط وبدون عجله..فعلى ايش الصراخ والسرعه في الكلام..؟؟؟.منتي ملحوقه

بعصا..خاصه ان السرعه في الكلام من اهم اسباب حدوث السعابيل وطشار التفال في وجيه من يقابلك

ولو كان هاذي طبيعة فيك..فالتمرين هو احسن طريقه لك...اتدربي على ضبط التون حق صوتك..وحاولي كلما فلت منك

الزمام انك تتمالكين نفسك مره ثانيه وتتكلمين بصوت رايق ..وبدون سرعة في الكلام..لان البنت تزداد جمالا وجاذبيه

بالصوت المنخفض والكلام الرايق...فلا تلومين الناس ان شفتيهم يكرهون التعاطي بالكلام معاك او حتى تشوفينهم

يضحكون عليك او يعلقون على طريقتك..لانها فعلا غلط

--------------------------------------
بكم شريتي هذا؟؟

=============
كثير من الجنس اللطيف..يحبون اللقافه...واسوأ انواع اللقافه..سؤال بطلت موضته وصار اولد فاشن..اللي هو( بكم شريتي هذا)

اكثر شيء ممكن ينفر الناس منك..ويعطي انطباع بأنك قرويه او مشفوحه..لما تشوفين شيء عاجبك وتسألين صاحبته بكم

شريتيه؟؟؟

طبعا حلو ومن اصول الاتيكيت انك تثنين على شيء عاجبك امام صاحبته مع ذكر الله..بس حذار من السؤال الشعبي بكم

خذيتيه..؟

لانك تحرجين نفسك وتحرجين المسؤله..وهذا يتنافى مع قواعد الاتيكيت..واصول التعامل الرفيع مع الناس...

--------------------------------------------

احتضان الجوال

=============

اول ما ظهر الجوال وبعده بكم سنه كانو الناس يمشون وفي يدينهم الجوال..مدري يمكن يخافون ينحاش منهم لدرجة انهم

يمكن ينامون وهم حاضنينه....وكانت النساء صغار وكبار..في المناسبات والاعراس..تمشي وهو في يدها(من زود

التشخيص)

وكانو بعد يرقصون وهم ماسكينه( متلطمه من الفشيله لهم)

وبصراحه ترا هالحركه قديمه لكن للاسف كثير لازالو ما يقومون ولايقعدون ولا يرقصون الا بالجوال..وصدقوني تراها

حركة قرويه..وتثير السخريه منك..فتخلي عن هالحركه..واتركي جوالك المحروس في الشنطه.....واللي يلزم ان الجوال


يكون بيدها على طول ممكن اخت العروسه او اخت العريس..او ام العروس او العريس..

فانتبهي عزيزتي...لهالنقطه بليزززز...

----------------------------------------------

كثرة تحريك اليدين اثناء الكلام وهز الارجل:

===========================

ايضا لوكنتي ممن يعبرون بايديهم اثناء الكلام حاولي التخفيف من هالعاده..لانها كمان تنافي اصول التصرف

السليم ...الافضل الكلام والايدي تكون قدر الامكان ماتتحرك الا بشكل بسيط وبنعومه..مو كأنها مساحات سياره

وثقي ان كلامك معبرّ وواصل بدون مساعدة مؤثرات طبيعيه اخرى..

وبعد انتبهي من عادة هز الرجل اذا كنتي جالسه مع الناس..لانه يعطي انطباع انك قلقه..وكمان تصرف غير لائق امام الضيوف او المدعوين...

----------------------------------------
معركة البوفيه!!!:

========

في المناسبات والاعراس عندما تفتح ابواب صالات الطعام..تنطلق افواج الجنس اللطيف هاجمه على البوفيه..ويبدأن في

اختطاف الاطباق وتماعط الصحون..والصف سرا كنهم عند خباز...وهات ياغرف جائر

واقوله لاني اشهد هالشيء وبدون مبالغه في كل مناسبه تقريبا...البنت او السيده تجيك في الزواج كاشخه..وثقل..و مكياج

وتسريحه.وفستان روعه..لكن عند فتح باب صالة الطعام...يوووووووووو..تنكشف الاقنعه..وتروح هالشخصيه.وتشوفها

تهرول ناصيه البوفيه ..وناتفه الصحن وقاضبه سرا

وفيه منهم من هي تتصرف بذهانه وتمسك صحنين مع بعض

وهات ياغرف من كل صحن تمر جنبه

اول شيء ترص من هالمقبلات...ثمين الرز والمكرونه والمحشيات والايدامات..ثمين ترص من الاكل الشعبي..ثمين عاد

تحط كورنر صغنطوط للحلا..او حنيني او محلا او كيك..

ماهي مبالغه..شوفة عيني..

وبعدين تروح تجلس جلسة المنتصر بعد انهاء مهمتها بنجاح..واستغرب كيف تاكل هالخبصه هاذي..كل شيء داخل على

بعض..وتلاقي الصحن اللهم ياكافي صاير هرم من رص الاكل فوق بعضه

وتبدا تاكل لقمه لقمتين..ثمين تقوم وتترك الصحن ممتليء وحوسه عقبها

يعني بالله كيف بتاكل والصحن على هالهيئه المقرفه..الله يكرم النعمه ويديمها

يعني اسأتي للنعمه واسأتي لنفسك وعبرتي اسوأ تعبير عن شخصيتك بهالتصرف الغير لائق بالمره

اولا البوفيه مايكون بمسك السرا وانما لازم من وجود فراغات بين المدعوات عشان كل وحده تتصرف وتغرف

بحريه..وبعدين تكون البدايه بغرف السلطات والمقبلات او الشوربه...وسكب كميه قليله تناسب نظام اكلك...والجلوس الى

الطاوله وتناول ما سكبتيه في صحنك..

ثمين تاخذين صحن اخر نظيف وتسكبين الطبق اللي ترغبينه ..سواء مكرونه اور رز او لحمه..او سمك..وايضا بكميات

معتدله ..واذا اردتي اضافة شيء اخر معه ..اوكيه..انما لا تزيدي على ذلك...وبعد ما تنتهين من تناول هالطبق...تاخذين

صحن نظيف اخر وتتناولين الحلو..سواء قطعة كيكه او اي نوع تفضلينه او حتى قطعة فاكهه....

وبس ..واذا خلصتي..احمدي ربك واشكري اهل الدعوه..
==================================


ان تصرفك اللائق يكمل جوانب شخصيتك...ويزيدك القا وجمالا..ويكسبك مهابه واحتراما واعجابا..فلا تترددي في التخلي

عن العادات الغلط..واكتساب الاشياء الجميله الى شخصيتك...

وهناك اصولا اخرى لم نتطرق لها .مثل اداب الاكل والمائده...واصول استقبال الضيوف وتضييفهم..
اشياء كثيره ..من الافضل ان نتعلمها..

وطبعا اي وحده من اخواتي الغاليات بتضيف شيء مفيد في مجال الاتيكيت وحسن التصرف..المجال مفتوح لها ..والموضوع موضوعها

اتمنى من الكل المشاركه والافاده والاستفاده..

فبالنهايه الكل مستفيد

وان شالله يعجبكم الموضوع،،

[المزاجية]

http://www.m5zn.com/uploads/7d0b2f9d85.gif (http://www.m5zn.com)

[آنـفَـآسٍـ الْـورْدٍ]

ربي يعافيك ويخليك

مشكوره على مروورك يا عسل

منوورهـ،،

[جربوعه شقرا]

كل هذي الأشياء ما أسويهم الحمدلله ^_^

الا هز الرجل ..
ما أقدر ما أحركهـــــا ..
حتى ولو حاولت أوقف شوي وبعدين أرجع لنفس الشي .. >_<
قسم بالله شي مقرررف انك ماتبين تسوين شي و تسوينه غصب عنك >_<


معركة البوفيه!!!:

هذا الشي ..

ياوييييييييييييييلي وييييييييييلاااااه ..

قله أدب قسم بالله ..

وأكثر الناس كــذا ..
يلووعوون الكبد والله العظيم ..
مايستحون ..
كأن عمرهم ماشافوا أكل .. O_O
أستغفر الله بس ..



عالعمووووم
تسلمييييييين نفس فس
موضووع يستاهل الطرح .. ^_^

[**ئشطهـ بعـ،ـ،ـ،لـ**]

فديييييييتني

والله اني عارفه اني اوتيكوووووت<<انطقيها زين بالاول


الحمد الله ولا شي من هالاشياء فيني

بس يمكن مرات اتحمممممممممممممس بسالفه ويرتفع صوووتي


بس مو كثير لاني ماحب اسولف بين حريم انغثثثثثثثثث



بس لاصرت مع بنااات




الشارع اللي ورا حارتنا يسمعووني


<<بس هالحركات تنفع تسوينها لاصرت رايحه مكان ولاتبين احد يخطبك<<خبره في العجايز



هع هع




يسلموو نفسفس

[ღمايهم من اكونღ]

يااااااااي اكتشفت اني اتكيييت وهـ بس ياملحي يانـــاس


انفاااس بعد عمري



يسلمــ و و و ــو على هالموضوع ماننحرم منك

[آنـفَـآسٍـ الْـورْدٍ]

كل هذي الأشياء ما أسويهم الحمدلله ^_^
الا هز الرجل ..
ما أقدر ما أحركهـــــا ..
حتى ولو حاولت أوقف شوي وبعدين أرجع لنفس الشي .. >_<
قسم بالله شي مقرررف انك ماتبين تسوين شي و تسوينه غصب عنك >_<
هذا الشي ..
ياوييييييييييييييلي وييييييييييلاااااه ..
قله أدب قسم بالله ..
وأكثر الناس كــذا ..
يلووعوون الكبد والله العظيم ..
مايستحون ..
كأن عمرهم ماشافوا أكل .. O_O
أستغفر الله بس ..
عالعمووووم
تسلمييييييين نفس فس
موضووع يستاهل الطرح .. ^_^


انا هز الرجل برضو حالتي الصعبه

واللي دووم ئشوطه تمسك رجلي لا اهزها

هع

وايييه يا ربي لك الحمد ربي لا يبتلينا بس

يسلمك ربي ويعافيك حبيبتي

لا تحرمينا طلتكـ،،

[آنـفَـآسٍـ الْـورْدٍ]

فديييييييتني
والله اني عارفه اني اوتيكوووووت<<انطقيها زين بالاول
الحمد الله ولا شي من هالاشياء فيني
بس يمكن مرات اتحمممممممممممممس بسالفه ويرتفع صوووتي
بس مو كثير لاني ماحب اسولف بين حريم انغثثثثثثثثث
بس لاصرت مع بنااات
الشارع اللي ورا حارتنا يسمعووني
<<بس هالحركات تنفع تسوينها لاصرت رايحه مكان ولاتبين احد يخطبك<<خبره في العجايز
هع هع
يسلموو نفسفس

اييه اسم الله علآآآك

ولا رفعهة صوتك انتي حلآآل

لانو برضو حنا نتحمس

هعع

اييه الحريم شي ثاني الله لا يبلانا<<اها يالبنت

يسلمك ربي حبيبة قلبي

ما نتحرمش من طلتكـ،،

[مثل العسل]

يسلموووووووووو ياقلبي على الموضوع
وتعرفي انا نفسي الغي البوفيه في الافراح لانه وربي قمه الفضايح اعتبره كل مارحت فرح اشوف الحريم
تقول مجاعه من افريقيا جايه ماشوف نعمه ولاشافو مطاعم اذا نفسك في الاكل روحي مطعم ورحي عمرك عن المضاربات
بس يمكن بعد سنين يتغير الوضع>>>تدعي من كل قلبها

[آنـفَـآسٍـ الْـورْدٍ]

يااااااااي اكتشفت اني اتكيييت وهـ بس ياملحي يانـــاس
انفاااس بعد عمري
يسلمــ و و و ــو على هالموضوع ماننحرم منك


زيي يعني

يا حلييلك

امممواه لك

هع

ربي يسلمك ويعآفيك حبيبو

نوورتي بطلتكـ يا قمر،،

[آنـفَـآسٍـ الْـورْدٍ]

يسلموووووووووو ياقلبي على الموضوع
وتعرفي انا نفسي الغي البوفيه في الافراح لانه وربي قمه الفضايح اعتبره كل مارحت فرح اشوف الحريم
تقول مجاعه من افريقيا جايه ماشوف نعمه ولاشافو مطاعم اذا نفسك في الاكل روحي مطعم ورحي عمرك عن المضاربات
بس يمكن بعد سنين يتغير الوضع>>>تدعي من كل قلبها


ربي يسلمك حيآآتي

ايه والله من جد

بعدين مو كل الافراح في افراح

ورب البيت ودك ما تطلعين من كثر ما انتي مستانسه على الذووق

والبرستييج اللي عندهم

وفيه ناس ياا كاافي الله لا يبتليينا

وربي بعد كل عرس نمر مطعم نتعشى

يا حلونا خاشين بهالمهزله

يعطيك الف عافيه حووبي

على مروركـ الحلوو،،

منووورهـ،،