.. العبـــــايه ..

[القصـ روح ــيــد]

مســــــــاكم شــــــــــعر
رائعه شعريه اعجبتني فنقلتها اليكم
طبعا هذي اول مشاركه لي بالمنتدى
اتركها لكم لقرائتها وانتظركم للرد عليها


العبايه عولموها وانفثو فيها السموم
ـــــــــــــــــــــ من ملاهي الرقص جابوا فكر تخصير العباة
ضيقوا صدر العباة ووسعوا طرف الكموم
ــــــــــــــــــــ ونزلوها لين وصلت آخر أكتاف الفــــــــتاة
بانت نحور الصبايا وانكشف شكل الهدوم
ـــــــــــــــــــ والغبية تحسبنها زايده زين وحــــــــــــلاة
والبراقع دلعوها لين عام الخد عوم
ـــــــــــــــــــ لازم القرضه توسع والكحل يلقى الحــــياة
طوروا شكل النقاب وصارت الدعوه علوم
ـــــــــــــــــــ صار شفاف(ن)يوضح خدها ويا الشـــــــفاة
وآخر الصرعه لثام(ن)يفتن الرجل العزوم
ـــــــــــــــــــ والفتن قالوا ضلاله للقلوب المؤمنـــــــــات
وش علامك بنت حوى تستبيحين السلوم
ـــــــــــــــــــ أو مع خيلك ياشقراء بعضكم جنس البنـــات
قاهرتهم هالعبايه مايبون الستر دوم
ـــــــــــــــــــ جدهم علمان يعني لاصيام ولاصــــــــــــلاة
حطوا إن البنت سلعه وغلفوها بالهموم
ـــــــــــــــــــ وارفعوا شعار(ن) ينادي للحقوق الضايعــات
من ظلمها والبدو لاصاحت الحرمه تقوم
ــــــــــــــــــ قايمه تحت المعادي لجل عين الشامخــــــات
من ظلمها يوم قام المعتصم من عز نوم
ــــــــــــــــــ قال وين الكافر اللي يستبيح المسلمـــــات
ثم ذبح لجل شعرتها من العدو كثر النجوم
ـــــــــــــــــ قال هذا حق منهو يستذل الطـــــــــــاهرات
نكسوا ذاك الشعار ولملموا باقي السهوم
ـــــــــــــــــــ يكسر الخاطر سهمكم لاضرب في مدرعـــــــات
بيتكم لاصار مبني داخل البيت مهدوم
ــــــــــــــــــ وبيتنا صوم وصلاة وحج وأشهد والزكــــــــــاة
إتركيهم يابدويه وخلي اللايم يلوم
ـــــــــــــــــــ وسعي خصر العبايه واكرمي بالمكرمــــــات
وإن رفعتيها لراسك أصبح الراس محشوم
ـــــــــــــــــــ العبايه فوق راسك حشمه وطيب وثبـــــــات
وماعليك من اللئيمه تحاول تقلدك يوم
ـــــــــــــــــــ لبست البرقع ولكن حن عرق الماجـــــــدات
بحنكها ألفين دقه مدري ألف من الوشوم
ــــــــــــــــــ أو تراه ألفين هكري يكتبون الذكريــــــــــات
ولابغت تكتب قصيده قافها هو قاف يوم
ــــــــــــــــــ (يوم يابا)(يوم يابا)جاك عرق الراقصــــــــات
جت تقول إني بدويه قلت أنتي وجه بوم
ــــــــــــــــــ إعقبي منتي بدويه أنتي جزء من الحـــــصاة
يابدويه لايغرك بعض غربان(ن) تحوم
ــــــــــــــــــ أنتي فوق الكل أنتي فوق روس النايـــــــــفات
أنتي يوم الحرب دارت والمعارك (قوم)(قوم )
ــــــــــــــــــ عانقت عزوات أخوك صوت ضرب المرهفـــــــات
إن حدوا من بيننا أو طولوا حد العقوم
ــــــــــــــــــ يابدويه طبعي أرقى فوق كل الطايــــــــــــــلات
إحذري يابنت منهم طبعهم نفث السموم
ــــــــــــــــــ عولمتهم لو أعرفها طلع معنى الشـــــــــــتات
ظيقوا صدر العباة ووسعوا طرف الكموم
ــــــــــــــــــ وبيجي يوم(ن) نشوف شقوق في وسط العبــــاة


والله يهدي الجميع
مووودتي
القصـ روح ــيــد

[*سموة الأحساس*]

مساء الخير ..

اختي الكريمه / روح القصيد ... رعاك الله ,

صدقتي يالغلا الحين مابوه عبايات تقولين عرض ازياء كل ما عندها بتحطه عليها

يالله اسألك السلامه .. وطولت البال .. ويهدي بنات حواء .. ايش قالو تطور اي تطور الي

خلي الوحده فتنه والكل يناظر فيها .. الي يسوى والي مايسوى يقولها كلمه .. ان شاء الله ربي

يهديهم ويرزقهم العقل ..

وبصراحه قصيده جدا رائعه وصف منظم وجميل .. واختيارك موفق ..

تحياتي لك ..

[القصـ روح ــيــد]

مساء النور والسرور
سموة الاحساس

انا اقول ان العبايات اللي هالحين يبيلها عباه فوقها والله

الله يهدي الجميع يارب

يسلمو على مرورك يالغلا

مووودتي

[عذب الاحساس]

صح لسانك .. و سلمت يمينك

ننتظر ابداعك و في انتظار جديدك

[القصـ روح ــيــد]

عذبة الاحساس

الله يسلمك وصح بدنك

ومشكوره على التواجد يالغلا

مووودتي
القصـ روح ــيــد

[ღمايهم من اكونღ]

رائـــــــــــــــعه ..



صــــح لســـــان من قالها ولا عدمنــا من نقلتها ..

بصراحه اهنئك على هالذوووق ياذووق

حبيبتي ننتظر جديدك فلا تحرمينـــا..


دمتــــ،ِ بــو ولك ورد ..

[مجنـ دوله ــون]

القصـ روح ــيــد

نص رائع .. ونقل اروع ... وغيره ماعندي
خبره

وتقبلي مروري
وإعجابي بتوقيعكـ


تحياااااتي ...

[القصـ روح ــيــد]

مايهم من اكون

صح بدنك يالغلا

ومشكوره على المرور الذوق ياذوق

[ـالهنوفـ]

قصيدة جميلة تستحق النقل ,,

روح القصيد ,,

سلم ذوقك الراقي ,, وسلمت يداك التي نقلت هذا الجمال ,,

ورودي ,,

[القصـ روح ــيــد]

الهنوف

الله يسلمك ويخليك

ومشكوره على التواجد يالغلا

مووودتي
القصـ روح ــيــد