ricky als
03-24-2007, 05:14 AM
من روائع فهد
برد وأيام واحباب
هب الشمال وطاح بين المحاديب
طفل ٍ على خدّه مشاريه وعتاب
والبرد شبّع جرد الأيام تعذيب
وأنا ضحية برد وأيام وأحباب
ياليل مالي غير حضنك معازيب
خلك معي لاشحّت وجيه الأصحاب
ماعاد هي لحية غرام ومكاتيب
لاوالله الا قرّبت صوب الأهداب
يابنت ياأم الضحكه أم المعاطيب
لاماك ذنب وشاعرك مابعد تاب
مرّت ثلاث سنين ياأغلى الرعابيب
والريح تشكي للشبابيك والباب
مرّت ثلاث سنين بين المراقيب
عدّيتها يابنت مرقاب مرقاب
في ذمّتي ماعاد أودي ولااجيب
حتى الشعر ماعاد ودّى ولاجاب
يابنت عندي كلمةٍ تقطع الجيب
بـ اقولها لو ماحسبتي لها حساب
طرد المقّفي مثل طرد العذاريب
وأنا تعبت أبلع مشاريه الأعراب
أما تعالي وأقطعي دابر الريب
والا انسي أني كنت انا وانتي أحباب
برد وأيام واحباب
هب الشمال وطاح بين المحاديب
طفل ٍ على خدّه مشاريه وعتاب
والبرد شبّع جرد الأيام تعذيب
وأنا ضحية برد وأيام وأحباب
ياليل مالي غير حضنك معازيب
خلك معي لاشحّت وجيه الأصحاب
ماعاد هي لحية غرام ومكاتيب
لاوالله الا قرّبت صوب الأهداب
يابنت ياأم الضحكه أم المعاطيب
لاماك ذنب وشاعرك مابعد تاب
مرّت ثلاث سنين ياأغلى الرعابيب
والريح تشكي للشبابيك والباب
مرّت ثلاث سنين بين المراقيب
عدّيتها يابنت مرقاب مرقاب
في ذمّتي ماعاد أودي ولااجيب
حتى الشعر ماعاد ودّى ولاجاب
يابنت عندي كلمةٍ تقطع الجيب
بـ اقولها لو ماحسبتي لها حساب
طرد المقّفي مثل طرد العذاريب
وأنا تعبت أبلع مشاريه الأعراب
أما تعالي وأقطعي دابر الريب
والا انسي أني كنت انا وانتي أحباب